mostre permanent

palazzo Orgnani Martina - via Mistruzzi n. 4/9
33010 Venzone (UD)

 

ORARI DI APERTURA
venerdì : 15 - 19

sabto e domenica : 9 - 13 / 15 - 19

 

BIGLIETTI
interi : 5 euro / ridotti : 4 euro / scolaresche : 3 euro

La “machine” e je in moviment

La ricostruzion e va indenant tune clime di responsabilitât gjenerâl.

Prin di dut e je une mobilitazion des cussiencis, tocjadis insot ta ce che si sta vivint. Ogni component de societât e des istituzions si sint in dovê di fâ la sô part.

La vore e je imponent. Dome un mecanisim organizatîf argagnât ben e no mâl al è in stât di fâ front al compit faturôs di tornâ a meti in pîts il Friûl. Il principi di cheste “machine” e je la deleghe viers il bas: dal Stât ae Regjon, de Regjon ai Comuns, che a puartin indenant une part fondamentâl. A dan dongje struments gjestionâi, urbanistics e tecnics. A prontin i progjets, a apaltin i lavôrs e a ‘ndi controlin il bon risultât. Par acelerâ la capacitât de spese, il Sindic al ven nomenât Funzionari Delegât de Regjon. Al à la responsabilitât personâl di valutâ lis domandis di contribût, di scandaiâ i progjets des oparis di finanziâ e di dâ fûr i mandâts di paiament. Lis “istituzions” no son plui une entitât astrate: a àn un non e une muse.

Giunta, Comelli, ChiavolaNol baste organizâsi, e covente int buine di fâ funzionâ lis robis in ducj i nivei. Cualchidun di lôr al è deventât il simbul stes de ricostruzion. Cu la Leç Regjonâl 6 di Setembar n. 53 e ven istituide la Segretarie Gjenerâl Straordenarie che e à lis carateristichis di une “authority” cun capacitâts fuartis e rapidis al rivuart des decisons tecnichis e di spese. E dipint in maniere direte dal President de Zonte Regjonâl, l’avv. Antonio Comelli, e la dirêç cun energjie l’inz. Emanuele Chiavola.

Gabinetto Fotografico Nazionale, ICCD Ministero per i Beni e le Attività Culturali, Roma

Ancje la Glesie furlane e fâs la sô part. Si met de bande de int, e je protagoniste te emergjence e te ricostruzion. E organize i socors a traviers de Caritas, des associazions catolichis, dai scouts, dai “zimulaments” fra lis parochiis dai paîs taramotâts e lis diocesis talianis. E je dongje de int taramotade spirtualmentri e materialmentri, e ten adun lis comunitâts, e infont la fiducie te rinassite dai paîs fiscâts e dal Friûl. E cjate il coragjo di fâ bon il principi “prime lis cjasis, po lis glesiis” che al è stât proponût dal grop eclesiâl di “Glesie Furlane”. Lis funzions religjosis a seguitin a segnâ la vite de int, dispès in condizions malsiguris.

Il sisme al à pocât i lûcs che plui di altris a conservavin intatis lis testemoneancis storichis plui antighis e preseosis de storie dal Friûl. In plui dai monuments, il taramot al sgrife ancje une grande cuantitât dal patrimoni storic e artistic. Afrescs, statuis di piere e di len, telis, altârs, organos, aurs e furniments a van a finîle sot des maseriis. Pal recupar des oparis artistichis si mobilitin centenârs di volontaris che lis dissapulissin e lis traspuartin tai puescj di racuelte, dulà che apassionâts e restauradôrs esperts a tornin a meti dongje i tocs recuperâts. Il Centri di catalogazion e Restaur di Vile Manin di Passarian al prepare gnûfs restauradôrs. La plui part des oparis e ven tornade indaûr a lis comunitâts di divignince.

© copyright 2009
Associazione Comuni Terremotati e Sindaci della Ricostruzione del Friuli